काठमाडौं । रसुवाको भोटेकोशी नदीमा आएको बाढीमा परी घाइते भएका २५ जनाको काठमाडौंका विभिन्न अस्पतालमा उपचार भइरहेको छ।
प्रहरीका अनुसार घाइतेमध्ये २० जनाको त्रिवि शिक्षण अस्पताल, ४ जनाको राष्ट्रिय ट्रमा सेन्टर र १ जनाको वीरेन्द्र सैनिक अस्पतालमा उपचार भइरहेको छ। अधिकांश घाइतेलाई हेलिकोप्टरमार्फत उद्धार गरी काठमाडौं ल्याइएको प्रहरीले जनाएको छ।
उनीहरूको आकस्मिक तथा विशेषज्ञ उपचार भइरहेको छ।
