दार्चुला । हाडनाता करणी मुद्दामा जिल्ला अदालत दार्चुलाबाट दोषी ठहर भई फरार रहेका दुई जनालाई प्रहरीले पक्राउ गरेको छ।
जिल्ला अदालत दार्चुलाको फैसलाअनुसार नौगाड गाउँपालिका–६ का २३ वर्षीय पदम सिंह धामी र सोही स्थानकी २२ वर्षीया गोबिन्दी धामीलाई जनही १ वर्ष १ महिना कैद तथा १० हजार रुपैयाँ जरिवाना तोकिएको थियो।
फैसला कार्यान्वयनको क्रममा फरार रहेका दुवै जनालाई जिल्ला प्रहरी कार्यालय दार्चुलाबाट खटिएको प्रहरी टोलीले बुधबार पक्राउ गरेको प्रहरीले जनाएको छ।
