धनगढी । कैलालीमा लागूऔषध खैरो हेरोइनसहित एक जना पक्राउ परेका छन् ।
प्रदेश प्रहरी कार्यालय धनगढी, लागूऔषध ब्युरो शाखा धनगढी र इलाका प्रहरी कार्यालय मालाखेतीबाट खटिएको संयुक्त प्रहरी टोलीले धनगढी उपमहानगरपालिका–७ क्याम्पसरोड बस्ने ३१ वर्षीय हितेश साहुलाई पक्राउ गरेको हो ।
प्रहरीका अनुसार उनलाई गोदावरी नगरपालिका–१ अत्तरियास्थित गोदावरी पुलमा शंकास्पद अवस्थामा चेकजाँच गर्दा साथबाट ११ ग्राम २८० मिलिग्राम लागूऔषध (खैरो हेरोइन) जस्तो देखिने धुलो पदार्थ फेला परेको थियो । पक्राउ परेका साउदलाई नियन्त्रणमा लिएर थप अनुसन्धान भइरहेको जिल्ला प्रहरी कार्यालय कैलालीले जनाएको छ।
