धनगढी । कैलालीमा ईभी गाडीले मिनी ट्रकलाई पछाडिबाट ठक्कर दिएको छ । पूर्वपश्चिम राजमार्ग अन्तरगत गोदावरी नगरपालिका–६ लालपुरमा सोमबार दिउँसो मिनी ट्रकलाई ईभी गाडीले पछाडिबाट ठक्कर दिदा महिला घाइते भएकी छन्।
डडेल्धुराको आलीताल गाउँपालिकाका २४ वर्षीय अर्जुन मालीले चलाएको सुपप्र ०१–००१ ख १६४० नम्बरको मिनी ट्रकलाई पछाडिबाट ओभरटेक गर्ने क्रममा धनगढी उपमहानगरपालिका–१३ का ४२ वर्षीय ईश्वर निकले चलाएको सुपप्र ०१–००१ ग १५४८ नम्बरको ईभी गाडीले ठक्कर दिएको प्रहरीले जनाएको छ ।
दुर्घटनामा बर्दगोरिया गाउँपालिका–५ की २६ वर्षीया निर्मला राना च्यापिएकी थिइन्। उनलाई उपचारका लागि पद्मा अस्पताल पठाइएको छ।
दुवै सवारीसाधन इलाका प्रहरी कार्यालय मालाखेतीले नियन्त्रणमा लिएको छ ।
