डडेल्धुरा । लागूऔषध मुद्दामा कैद सजाय र जरिवाना तोकिएका एक व्यक्ति डडेल्धुराबाट पक्राउ परेका छन्।
अमरगढी नगरपालिका–५ तुफानडाँडा निवासी ३५ वर्षीय रोशन गैरेलाई जिल्ला प्रहरी कार्यालयबाट खटिएको प्रहरी टोलीले सोमबार दिउँसो आफ्नै घरबाट पक्राउ गरेको हो।
जिल्ला अदालतको फैसलाअनुसार गैरेलाई लागूऔषध मुद्दामा ६ महिना ३ दिन कैद र १ हजार रुपैयाँ जरिवाना तोकिएको थियो। फैसला कार्यान्वयन गर्ने क्रममा उनलाई पक्राउ गरिएको प्रहरीले जनाएको छ।
