१८ साउन, धनगढी । डडेल्धुरामा डिउटीमा खटिएका प्रहरीमाथि हातपात गरेको आरोपमा दुई जनालाई पक्राउ गरिएको छ ।
डडेल्धुरा अस्पतालमा डिउटीमा खटिएका प्रहरी सहायक हवलदार र प्रहरी जवानमाथि हातपात गरेको आरोपमा नवदुर्गा गाउँपालिका–५ का शमशेर विष्ट र उत्तम विष्टलाई पक्राउ गरिएको प्रहरीले जनाएको छ ।
जिल्ला प्रहरी कार्यालयका सूचना अधिकारी प्रहरी निरीक्षक उमाकान्त जोशीले डडेल्धुरा अस्पतालमा मादक पदार्थ सेवन गरेर होहल्ला गरेपछि सम्झाइबुझाइ गर्ने क्रममा प्रहरीमाथि नै हातपात गरेपछि दुवै जनालाई पक्राउ गरिएको जानकारी दिए ।
उनीहरुविरुद्ध अभद्र व्यवहारको कसुरमा मुद्दा दर्ता गरेर अनुसन्धान गरिरहेको प्रहरी निरीक्षक जोशीले बताए ।
