काठमाडौँ। नेपाली बजारमा आज सुनचाँदीको मूल्यमा वृद्धि भएको छ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला चार सय रुपैयाँले बढेर तीन लाख ११ हजार तीन सय रुपैयाँ निर्धारण गरिएको छ। हिजो सोमबार सुनको मूल्य प्रतितोला तीन लाख १० हजार नौ सय रुपैयाँमा कारोबार भएको थियो।
यस्तै, चाँदीको मूल्यमा पनि आज वृद्धि भएको छ। सोमबार प्रतितोला पाँच हजार तीन सय ५५ रुपैयाँमा कारोबार भएको चाँदी मंगलबार ५० रुपैयाँले बढेर प्रतितोला पाँच हजार चार सय पाँच रुपैयाँ पुगेको छ।
