अत्यधिक वर्षाको पूर्वानुमानपछि बैतडीका ग्रामीण कच्ची सडकमा दुई दिन रातिको समयमा सवारी सञ्चालनमा रोक लगाइएको छ।
जल तथा मौसम विज्ञान विभागले असार १६ र १७ गते अत्यधिक वर्षा हुने पूर्वानुमान गरेपछि जोखिम न्यूनीकरणका लागि उक्त निर्णय गरिएको प्रमुख जिल्ला अधिकारी डा. डिजन भट्टराईले जानकारी दिए।
जिल्ला प्रशासन कार्यालयले जारी गरेको सूचनाअनुसार असार १६ र १७ गते बेलुका ६ बजेदेखि भोलिपल्ट बिहान ५ बजेसम्म जिल्लाभरका ग्रामीण कच्ची सडकमा सबै प्रकारका सवारीसाधन सञ्चालन गर्न रोक लगाइएको छ।
वर्षायाममा पहिरो, सडक भासिने तथा अन्य प्राकृतिक विपद्को जोखिम बढ्ने भएकाले यात्रु र सवारीसाधनको सुरक्षालाई मध्यनजर गर्दै यो निर्णय गरिएको प्रशासनले जनाएको छ।
