धनगढी । कैलालीका छुट्टाछुट्टै स्थानबाट प्रहरीले खैरो हेरोइनसहित चार जनालाई पक्राउ गरेको छ।
जिल्लाको गौरीगंगा नगरपालिका–४ बाट प्रहरीले खैरो हेरोइनजस्तो देखिने १० ग्राम ८०० मिलिग्राम लागूऔषधसहित स्थानीय २५ वर्षीय सुरेन्द्र बहादुर धामी र २१ वर्षीय सन्तोष रानामगरलाई मंगलबार दिउँसो पक्राउ गरेको हो। इलाका प्रहरी कार्यालय मालाखेती र लागूऔषध ब्युरो धनगढीबाट संयुक्त रूपमा खटिएको टोलीले उनीहरूको साथबाट उक्त लागूऔषधसहित नगद ३७ हजार १५० रुपैयाँ पनि बरामद गरेको प्रहरीले जनाएको छ।
यस्तै, टीकापुर नगरपालिका–३ रामपुरबाट १ ग्राम १८० मिलिग्राम खैरो हेरोइनजस्तो देखिने पदार्थसहित स्थानीय २६ वर्षीय प्रशान्त चौधरी र १९ वर्षीय समिर चौधरीलाई मंगलबार बेलुका पक्राउ गरिएको छ। इलाका प्रहरी कार्यालय टीकापुरबाट खटिएको प्रहरी टोलीले उनीहरूलाई लागूऔषधसहित नियन्त्रणमा लिएको हो।
घटनाबारे थप अनुसन्धान भइरहेको प्रहरीले जनाएको छ।
