काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले जेन–जी आन्दोलनका क्रममा आफूले गोली नचलाउन र दमन नगर्न भनेको दाबी गर्दै त्यसको दोष आफूहरूमाथि थोपर्ने षड्यन्त्र नगर्न चेतावनी दिएका छन् ।
शनिबार च्यासलस्थित पार्टी कार्यालयमा आयोजित संविधान दिवस समारोहलाई सम्बोधन गर्दै ओलीले भदौ २३ गते युवाहरूको योजनाबद्ध हत्या गराइएको आरोप लगाए । त्यसलाई निहुँ बनाएर भोलिपल्ट देशव्यापी रूपमा लुटपाट, हिंसा, आतंक र अराजकता फैलाइएको उनको दाबी थियो ।
‘गोली नचलाउनु र दमन नगर्नु भनेको हुँ, काँक्रो खाएर बियाँ हामीलाई टाँस्ने काम नहोस्,’ ओलीले भने । उनले लोकतान्त्रिक विधिबाट नेपाललाई अघि बढ्न नदिइएको पनि आरोप लगाए ।
