दार्चुला । अभद्र व्यवहारसम्बन्धी मुद्दामा कैद र जरिवानाको सजाय तोकिएका एक फरार प्रतिवादी पक्राउ परेका छन्।
दार्चुलाको महाकाली नगरपालिका–४ का २२ वर्षीय भुपेन्द्र सिंह कुँवरलाई प्रहरीले सोमबार दिउँसो उनकै घरबाट पक्राउ गरेको हो।
जिल्ला प्रहरी कार्यालय दार्चुलाबाट खटिएको प्रहरी टोलीले उनलाई पक्राउ गरेको जनाएको छ। जिल्ला अदालत दार्चुलाले २०८२ पुस २३ गते अभद्र व्यवहार गर्न नहुने मुद्दामा कुँवरलाई ८ महिना ११ दिन कैद र ९ हजार रुपैयाँ जरिवाना हुने फैसला गरेको थियो।
फैसला कार्यान्वयनका सिलसिलामा उनलाई पक्राउ गरिएको प्रहरीले जनाएको छ।
