कैलाली । कैलालीको लम्कीचुहा नगरपालिका–३ चिसापानीस्थित टुक्की बजारबाट खैरो हिरोइनजस्तो देखिने पदार्थसहित एक युवक पक्राउ परेका छन्।
पक्राउ पर्नेमा कालिकोटको खाँडाचक्र नगरपालिका–३ का २९ वर्षीय जगदिश पाण्डे रहेका छन्।
इलाका प्रहरी कार्यालय चिसापानीबाट खटिएको प्रहरी टोलीले सोमबार दिउँसो शंका लागेर जाँच गर्ने क्रममा उनको साथबाट १३० मिलिग्राम खैरो हिरोइनजस्तो देखिने धुलो पदार्थ बरामद गरेको हो।
पक्राउ परेका पाण्डेमाथि प्रहरीले थप अनुसन्धान गरिरहेको जनाएको छ।
