प्रधानमन्त्री देउवा हेलीकोप्टर मार्फत आज धनगढी आउदै
१६ कात्तिक, धनगढी । प्रधानमन्त्री शेरबहादुर देउवा बुधबार (आज) धनगढी आउने भएका छन् । नेपाली कांग्रेसका सभापति समेत रहेका देउवा आज नेपाली सेनाको हेलीकोप्टरमार्फत धनगढी आउन लागेका हुन् ।
प्रधानमन्त्रीको सचिवालयकाअनुसार देउवा सवार हेलीकोप्टर बोराडाँडीस्थित नेपाली सेनाको ब्यारेकमा अवतरण गर्नेछ भने त्यहाँबाट उनी राष्ट्र बैँकको निवास जानेछन् । बिहीबार(भोलि) देखि चार दिन उनी आफ्नो गृह जिल्ला डडेल्धुरामा चुनावी प्रचारमा हुनेछन् ।
पाँच पटक प्रधानमन्त्री भइसकेका देउवा मंसिर ४ मा हुने प्रतिनिधिसभा सदस्य निर्वाचनका लागि डडेल्धुराबाट उम्मेदवार बनेका छन् ।
