काठमाडौं । नेपाल राष्ट्र बैंकले परिमार्जित विशेषतासहित एक हजार रुपैयाँ दरको नयाँ नोट बिहीबारदेखि चलनचल्तीमा ल्याएको छ।
राष्ट्र बैंकका अनुसार नयाँ नोट साविककै आकार र रंगमा छ। नोटमा वैजनी रंगको घेराभित्र फिक्का हरियो रंग रहेको छ भने विभिन्न सुरक्षात्मक तथा पहिचानजन्य विशेषता थपिएका छन्।
नोटको अगाडिको भागमा सगरमाथा, लालीगुराँसको पानीछाप र त्यसको मुनि १००० अंकित पानीछाप राखिएको छ। सगरमाथाको दायाँतर्फ अण्डाकार आकृतिभित्र सीधा हेर्दा सुनौलो र ढल्काएर हेर्दा हरियो देखिने भगवतीको चित्र राखिएको छ।
नोटमा गभर्नर प्रा.डा. विश्वनाथ पौडेलको दस्तखत तथा तल्लो भागमा सिरिज नम्बर ‘वि.सं. २०८२’ उल्लेख गरिएको छ।
