धनगढी । बझाङमा जिउँदै कुकुरलाई सेती नदीमा फालेको भिडियो भाइरल भएपछि पक्राउ परेकी महिला धरौटीमा छुटेकी छन् ।
जयपृथ्वी नगरपालिका–३ पडेस बस्ने ४२ वर्षीया बिमला देवी रोकायालाई जिल्ला प्रशासन कार्यालयले धरौटीमा छाडेको प्रहरीले जनाएको छ ।
रोकायाले जयपृथ्वी नगरपालिका–१०, चैनपुरस्थित पानकोट पुलबाट सेती नदीमा कुकुरलाई फालिरहेको भिडियो सामाजिक सञ्जालमा भाइरल भएको थियो ।
घरमा आफैले पालेको कुकुर बिरामी भएर मानिसलाई टोक्न थालेपछि बाध्य भएर नदीमा फालिएको उनले बताएकी थिइन् ।
