धनगढी । कैलालीमा घाँस काट्न गएकी महिला मृत अवस्थामा भेटिएकी छन् ।
गौरीगंगा नगरपालिका–६ बनबेहडाकी ४० वर्षीया पार्वती साउद रुखबाट लडेको अवस्थामा मृत फेला परेकी प्रहरीले जनाएको छ ।
प्रहरीका अनुसार प्रेमबहादुर साउदकी श्रीमती पार्वती शुक्रबार दिउँसो घाँस काट्न स्थानीय बार वन सामुदायिक वनमा गएकी थिइन्। साँझसम्म घर नफर्किएपछि आफन्तले खोजी गर्ने क्रममा शनिबार बिहान करिब ९ बजे रुखबाट लडेर मृत्यु भएको अवस्थामा उनलाई फेला पारेका हुन्।
घटनाको जानकारी पाएपछि इलाका प्रहरी कार्यालय चौमाला र इलाका प्रहरी कार्यालय मालाखेतीबाट प्रहरी टोली घटनास्थल पुगेको प्रहरीले जनाएको छ।
