धनगढी । लगातारको वर्षापछि महाकाली नदीमा पानीकाे बहाबले खतराकाे तह पार गरेपछि शारदा ब्यारेजमा चार पाङ्ग्रे सवारीसाधन आवागमनमा राेक लगाएकाे छ ।
पानीकाे सतह एक लाख ९७ हजार ७७४ क्युसेक पुगेपछि सवारीसाधन आवागमनमा राेक लगाइएकाे प्रहरीले जनाएको छ ।
पानीले खतरा तह नाघेपछि शारदा ब्यारेज हुँदै दुवै देशतर्फ आउजाउ गर्ने सवारीसाधन राेकिएका हुन् ।
बिहीबार रातिदेखि सुदूरपश्चिमका पहाडी जिल्लामा लगातार वर्षा भइरहेको छ । साेही कारण महाकालीमा पानीकाे तह उच्च हुँदै गएकाे छ ।
निरन्तरकाे वर्षााका कारण सुदूरपश्चिमका पहाडी जिल्लामा छाेटाे तथा लामाे दूरीका सवारीसाधन सञ्चालनमा समेत राेक लगाइएकाे छ ।
माैसममा सुधार नआएपछि साेमबार बिहानसम्मका लागि सवारीसाधन आवागमनमा राेक लगाइएकाे छ।
