स्याङ्जाको बिरुवा गाउँपालिका–३ ठाँटीमा स्कुटर सडकबाट खस्दा चालकको घटनास्थलमै मृत्यु भएको छ ।
शुक्रबार दिउँसो करिब २ः३० बजे राङखोला–बिरुवा सडकखण्डमा स्कुटर अनियन्त्रित भई सडकबाट झण्डै ५० मिटर तल खसेको जिल्ला प्रहरी कार्यालय स्याङ्जाले जनाएको छ ।
प्रहरीका अनुसार ग२६प १३५० नम्बरको स्कुटर दुर्घटना हुँदा बिरुवा गाउँपालिकाकी ३९ वर्षीया रेवती गुरुङको हो । स्कुटरको पछाडि सवार उनकी १६ वर्षीया छोरी गुञ्जन गुरुङ भने सकुशल रहेकी छन् ।
दुर्घटनापछि जिल्ला प्रहरी कार्यालय र ट्राफिक प्रहरीको टोली घटनास्थलमा पुगेको थियो । प्रहरी पुगेपछि सडक सञ्चालनमा आएको जनाइएको छ ।
