बैतडी । बैतडीको पाटनमा अटो दुर्घटना हुँदा तीन जना घाइते भएका छन् ।
बुधबार बिहान पाटन नगरपालिका–६ स्थित बजारबाट विमानस्थल जाने गेट नजिकै से १ ह ४६६२ नम्बरको अटो दुर्घटना भएको इलाका प्रहरी कार्यालय पाटनले जनाएको छ ।
दुर्घटनामा परी पाटन नगरपालिका–६ का ६५ वर्षीय किडी औजी, २२ वर्षीय मनिष औजी र २१ वर्षीय जीवन औजी घाइते भएका छन् । किडीको टाउकोमा सामान्य चोट लागेको छ भने मनिषको पाखुरा र जीवनको खुट्टामा चोट लागेको प्रहरीले जनाएको छ ।
घाइते तीनै जनाको पाटनस्थित डीएस मेडिकलमा प्राथमिक उपचारपछि थप उपचारका लागि धनगढी पठाइएको प्रहरीले जनाएको छ ।
