धनगढी । धनगढीमा मादक पदार्थ सेवन गरेर उपद्रो मच्चाएको भन्दै प्रहरीले १८ जनालाई पक्राउ गरेको छ ।
शुक्रबार राति धनगढीमा आयोजित एक कन्सर्टमा मदिरा सेवन गरि जथाभावी गर्ने उनीहरुलाई नियन्त्रणमा लिइएको जिल्ला प्रहरी कार्यालयले जनाएको छ ।
जिल्ला प्रहरी कार्यालयका प्रहरी निरीक्षक कैलाश बिष्टले उनीहरुलाई कन्सर्ट स्थलबाटै नियन्त्रणमा लिइएको जानकारी दिए । यस्तै, थप दुई जनालाई पनि मदिरा सेवन गरि होहल्ला गरेको अभियोगमा नियन्त्रणमा लिइएको उनी बताउँछन् ।
प्रहरीले शुक्रबार राति मापसे गरेर उपद्रो मच्चाउने २० जनालाई नियन्त्रणमा लिइएको जनाएको छ ।
