धनगढी । कञ्चनपुरमा घरकाे छतबाट खसेका युवककाे मृत्यु भएको छ ।
शुक्रबार साँझ घरकाे छतबाट खसेका भीमदत्त नगरपालिका-६ ऐठपुरका २३ वर्षीय कपिल नेगीकाे मृत्यु भएको प्रहरीले जनाएको छ ।
जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) टेकबहादुर रावतले घरकाे छतकाे दोस्रो तलाबाट खसेका नेगीकाे महाकाली प्रादेशिक अस्पतालमा उपचारका क्रममा मृत्यु भएको बताए ।
उनकाअनुसार नेगीलाई आमाबुबाले छतबाट भुँइमा खसेकाे अवस्थामा फेला पारेपछि तत्काल उपचारका लागि महाकाली प्रादेशिक अस्पताल लगिएको थियो ।
उनकाे राति साढे ९ बजे उपचारकै क्रममा मृत्यु भएको हाे । मृतकको शव परीक्षणका लागि प्रादेशिक अस्पतालमै राखिएको छ ।
घटनाबारे थप अनुसन्धान भइरहेको प्रहरीले जनाएको छ ।
