धनगढी । कैलालीमा झरनमा खसेर एक युवक बेपत्ता भएका छन् । बेपत्ता हुनेमा डडेल्धुराका अन्दाजी २१ वर्षीय खगीराज पन्त रहेकाे प्रहरीले जनाएको छ ।
जिल्ला प्रहरी कार्यालयका एसपी नरेन्द्र चन्दले शनिबार दिउँसो ४ बजेतिर पन्त चुरे गाउँपालिका-५ सुरूगडा चिफ्ले झरनामा खसेर बेपत्ता भएको जानकारी दिए ।
उनकाअनुसार पन्तकाे खाेजीका लागि प्रहरी र सशस्त्र प्रहरी खटिएका छन् । अहिलेसम्म पन्तकाे अवस्था अज्ञात रहेकाे छ ।
उनी साथीहरूसँगै त्यहाँ घुम्नका लागि पुगेकाे बुझिएको प्रहरीले जनाएकाे छ ।
