कञ्चनपुर । काठ ओसारपसार तथा चिरानी मुद्दामा कैद र जरिवाना सजाय तोकिएका एक फरार प्रतिवादी पक्राउ परेका छन्।
जिल्ला अदालत कञ्चनपुरको २०८३ वैशाख १७ गतेको फैसलाले बिना इजाजत काठ ओसारपसार तथा चिरानी मुद्दामा ३ महिना कैद र १४ हजार ९८० रुपैयाँ जरिवाना तोकिएका वेदकोट नगरपालिका–२ निवासी १९ वर्षीय आदेश खुनालाई प्रहरीले पक्राउ गरेको हो।
जिल्ला प्रहरी कार्यालय कञ्चनपुरबाट खटिएको प्रहरी टोलीले उनलाई मंगलबार दिउँसो पक्राउ गरेको जनाएको छ।
