धनगढी । धनगढीमा लागूऔषधसहित कञ्चनपुरका ३ जना पक्राउ परेका छन् ।
धनगढी उपमहानगरपालिका–५ स्थित बाल्मिकी स्कुल नजिकबाट प्रहरीले अवैध लागूऔषध खैरो हेरोइनजस्तो देखिने १२९ मिलिग्राम धुलो पदार्थसहित तीन जनालाई पक्राउ गरेको हो ।
पक्राउ पर्नेमा कञ्चनपुरको भीमदत्त नगरपालिका–३ घर भई हाल धनगढी–७ मा डेरा गरी बस्ने २६ वर्षीय गौरव चन्द, भीमदत्त नगरपालिका–६ बस्ने ३२ वर्षीय प्रकाश आउजी र बेदकोट नगरपालिका–५ घर भई हाल धनगढी–१ मा डेरा गरी बस्ने २२ वर्षीया खुस्बु धानुक रहेका छन्।
जिल्ला प्रहरी कार्यालय कैलाली र लागूऔषध नियन्त्रण ब्युरो शाखा कार्यालय धनगढीको संयुक्त टोलीले उनीहरूको जाँच गर्दा १२९ मिलिग्राम खैरो हेरोइनजस्तो देखिने धुलो पदार्थ बरामद गरेको जनाएको छ।
घटनाका सम्बन्धमा प्रहरीले थप अनुसन्धान गरिरहेको छ।
