१३ असोज, धनगढी । धनगढीमा अपांगता मैत्री यौन तथा प्रजनन स्वास्थ्य निर्देशिका अभिमुखीकरण कार्यक्रम सम्पन्न भएको छ । शारीरीक अपाङ्गता भएका व्यक्तिहरुको मनोबल र आत्मबल बढाउने उद्देश्यले बिहीबार धनगढीको आस्था होटलमा नेत्रहीन युवा संघको आयोजनामा कार्यक्रमको गरिएको हो ।
युुुएसआईडीसहितका विभिन्न गैरसरकारी संघसंस्थाको आर्थिक सहयोगमा आयोजना गरिएको अभिमुखीकरण कार्यक्रमका प्रमुख अतिथि रहेका धनगढी उपमहानगरपालिकाका मेयर गोपाल हमालले शारीरीक अपांगता भएका व्यक्तिहरुलाई विशेष प्राथमिकतामा राखेर काम गर्ने प्रतिबद्धता जनाएका छन् ।
समान्य मानिस जस्तै शारीरीक अपांगता भएका व्यक्तिलाई समेत सम्मान पूर्वक बाच्न पाउने हक भएकाले त्यसको सुनिश्चितता गर्नुपर्ने कार्यक्रमका सहभागीहरुको भनाई थियो । कार्यक्रममा अपांगता मैत्री यौन तथा प्रजनन स्वास्थ्य निर्देशिकामा राखिएका प्रावधानबारे समेत जानकारी दिइएको थियो ।
कार्यक्रमका सभापति समेत रहेका नेत्रहीन युवा संघका केन्द्रीय अध्यक्ष कलाधर भण्डारीले शारीरीक अपांगता भएको व्यक्तिको सबै क्षेत्रमा समान सहभागीता हुनुपर्ने बताए ।
